මාධ්‍ය හා සමාජය.
මාධ්‍ය හා සමාජය තුළ ඇත්තේ මනා සබදතාවයකි . ඒ සමාජය තුළ වෙසෙන තොරතුරු පිපාසාවෙන් පෙළෙන මිනිසාට තොරතුරු ගෙන යන ප්‍රධානතම ක්‍රමය මාධ්‍ය වන හෙයිනි. මාධ්‍යය භාවිතයෙන් තොරව වත්මන් සමාජයේ ගමන් මග පිළිබද වත්මනෙහි දී සිතිය නොහැකි තත්වයකට පත් වී ඇත.
මෙහිදී විවිධාකාර මාධ්‍යයන් සමාජයෙහි ජීවත් වන්නන් විසින් භාවිතා කරන ආකාරය දැක ගත හැකිය. මෙහිදී ජන මාධ්‍යය හා සමාජ මාධ්‍ය ඒ අතරින් සුවිශේෂී ස්ථානයක් හිමිකර ගෙන ඇති බව වර්තමානයේ දී දක්නට ලැබේ. ජන මාධ්‍යය ලෙස රූපවාහිනිය, ගුවන්විදුලිය, පුවත්පත ද සමාජ මාධ්‍ය ලෙස යූ ටියුබ්, ෆේස්බුක් , වට්ස්සැප් ආදී මාධ්‍යද වත්මන් සමාජයේ ජීවත් වන්නන් සිය තොරතුරු අවශ්‍යතාවය සපුරා ගැනීම සදහා භාවිතා කරනු ලබයි.
සමාජයෙහි ජීවත් වන මිනිසුන්ගේ තොරතුරු අවශ්‍යතාව දිනෙන් දින ඉහළ යනවා මිස පහළ බැසීමක් නම් සිදු වන්නේ නැත. මෙනිසා එකී තොරතුරු අවශ්‍යතාව සපුරාලීමට හැකි පරිදි මාධ්‍ය හැඩ ගැසෙන ආකාරය ද වර්තමානයේ දී හදුනා ගත හැකිය.තොරතුරු මූලික සත්වයෙකු වන මිනිසාට මාධ්‍ය නොමැති වුවහොත් තොරතුරු දැන ගැනීමට ඇති ඉඩකඩ ක්‍රමයෙන් ගිලිහී යයි. එනිසාම මාධ්‍ය හා සමාජය අතර සබදතාව තව තවත් සවිමත් වී ඇත.
නිරන්තරයෙන් විවිධ සිදුවීම් සිදු වන සමාජය තුළ එසැනින්ම ඒ පිළිබද සමාජය දැනුවත් කරනු ලබන්නේ මාධ්‍ය මගිනි. පුළුල් පරාසයක ජිවත් වන මානවයා එකට එක් කොට තිබෙන්නේ මාධ්‍ය මගිනි. ලොව පුරා සිදු වන ඕනෑම සිදු වීමක් ඕනෑම කෙනෙක්ට ඉතා ඉක්මනින්ම දැන ගැනීමට හැකි වී තිබෙන්නේ මාධ්‍ය නිසාය. දිනෙන් දින දියුණුවන ලොව තුළ මාධ්‍ය ද නිරන්තරයෙන් දියුණු වන්නේ එනිසාම ය.
මිනිසා සමාජය හා මාධ්‍ය අතර සබැඳියාව දිනෙන් දින වර්ධනය වන්නක් මිස කිසිදා වියැකී යන්නක් නොවන බව හදුනා ගත හැකිය. යම් සමාජයක පැවැත්ම රදා පවතින්නේ තොරතුරු මතය. සිදු වන කිසිදු සිදුවීමක් පිළිබද දැන ගැනීමට නොහැකි වුවහොත් සමාජ ප්‍රගමනයට ද එමගින් ප්‍රබල බලපෑමක් සිදු වන බව හදුනා ගත හැකිය.
මාධ්‍යයේ පැවැත්ම රදා පවතින්නේ ද සමාජය තුළය. මාධ්‍ය යනු සමාජ අවශ්‍යතා පදනම් කොට ගෙන සමාජය තුළින්ම නිර්මාණය වුවකි. එනිසා මාධ්‍ය හා සමාජය අතර බැදීම් අවියෝජනීය බව හඳුනා ගත හැකිය.
Keep it up ♥️
ReplyDelete