සන්නිවේදනය හා සමාජය

ප්‍රවේශය .

     සන්නිවේදනය හා සමාජය අතර ඇත්තේ අවියෝජනීය සබඳතාවයකි. සමාජයක පැවැත්ම රදා පවතින්නේ සන්නිවේදනය හේතු කොට ගෙනය . සන්නිවේදනය නොමැති වුවහොත් එය සමාජයේ පැවැත්මට බලපෑම් එල්ල කරනු ලබයි. සමාජයක සියලු දෑ තීරණය කරනු ලබන ප්‍රධාන සාධකය වන්නේ ද සන්නිවේදනය වේ. සමාජයේ ජීවත් වන පුද්ගලයන් අනෙක් අය සමග සිය අදහස් ,මතවාද හුවමාරු කර ගනු ලබන්නේ ද සන්නිවේදනය ඔස්සේය . මෙය වාචිකව මෙන්ම විවිධාකාර අයුරින් සිදු වනු දැකිය හැකිය.

සන්නිවේදනය හා සමාජය අතර ඇති සබදතා .

         සන්නිවේදනය යන්නෙහි අරුත මනා කොට නිවේදනය කරන්නා වූ දැනුම යන්නයි.මෙහිදී සමාජයේ ජීවත් වන පුද්ගලයන්ට අවශ්‍ය තොරතුරු සන්නිවේදනය මගින් සමාජය වෙත ගෙන යනු ලබයි.

         කුඩා දරුවෙකු ඉපදී ක්‍රමයෙන් සමාජයට හුරු වෙමින් හැදී වැඩෙන්නේ සන්නිවේදනය උපයෝගී කොට ගෙනය. තම මවගේ තුරුලේ හැදී වැඩෙන දරුවා මවගෙන් මිදී ක්‍රමයෙන් වැඩෙත්ම පවතින සමාජයට අනුව හැඩ ගැසෙන්නේ සන්නිවේදනය උපයෝගී කොට ගෙනය.

 

         සමාජයක් යනු පුද්ගල කණ්ඩායමකින් සැදුම් ලත් ඒකකයකි.මෙකී සමාජය තුල විවිධ මට්ටම් වලට අයත් පුද්ගලයන් ජීවත් වේ.ඔවුන්ට සමාජය තුල ජීවත් වීමේදී එකිනෙකා හා තොරතුරු හුවමාරු කර ගැනීම අතයවශ්‍ය වේ.එයට සන්නිවේදනය වැදගත් වේ.එනිසා සමාජය තුල ජීවත් වන පුද්ගලයන්ට සන්නිවේදනයෙන් තොරව ජීවත් විය නොහැකිය.

          තමා ජීවත් වන සමාජයේ පුද්ගලයන් කවුද ,ඔවුන්ගේ ස්භාවය කෙබඳු  ද යන්න දැන ගත් හැක්කේ ඔවුන් හා සන්නිවේදනය කිරීමෙනි.

          තමාට සමාජයේ හිමි වී ඇති තැන පුද්ගලයා දැන ගන්නේ සන්නිවේදනය ඔස්සේය.තමා කවුද,තමාට සිදු කල හැක්කේ කුමක්ද යන්න දැන ගැනීම සමාජයේ ජීවත් වන්නෙකුට අතිශය වැදගත් වේ.එවිට පුද්ගලයෙකුට සමාජයේ ජීවත් වීම පහසු කරනු ලබයි

         එසේම සමාජයේ ජීවත් වන අනෙකුත් පුද්ගලයන් පිලිබද හදුනා ගැනීමට ද පුද්ගලයන්ට සන්නිවේදනය අතිශය වැදගත් වේ.

          පුද්ගලයන්ට සමාජයක් තුළ එකට එක්ව ජීවත් වීමට නම් ඔවුනොවුන් එකිනෙකා අතර මනා අන්තර් සම්බන්ධතාවයක් පවත්වා ගත යුතුය.එයට උපකාර වන්නේද සන්නිවේදනයයි

            මෙනිසා  සනිනිවේදනයෙන් තොරව සමාජයක් පවත්වාගෙන යාම අසීරු බව පැහැදිලි වේ. සමාජයේ පැවැත්මෙහි මූලික පදනම සකස් කරනුයේ සන්නිවේදනය මගිනි. සන්නිවේදනය හා සමාජය නිරායාසයෙන් ම ඒකාබද්ධ වී ඇති බව මෙමගින් පැහැදිලි වේ.

  

         සන්නිවේදනයෙන් තොරව සමාජයට පැවැත්මක් නොමැති තරම්‍ වේ. සියලු පුද්ගලයන්ට සිය අදහස් ප්‍රකාශ කිරීමට අවශ්‍ය වේ. සන්නිවේදනය නොමැති නම් පුද්ගලයන්ට සිය අදහස් ප්‍රකාශ කිරීමට අපහසු වේ.සමාජයක පැවැත්ම තහවුරු කිරීමට නම් එකී සමාජය තුළ වෙසෙන සියල්ලන්ගේ අදහස් එයට දායක කර ගත යුතුය.එසේ සිදු කිරීමට නම් සනිනිවේදනය එයට වැදගත් වේ.මෙමගින් පැහැදිලි වන්නේ සන්නිවේදනය හා සමාජය අතර මනා සබඳතාවයක් පවතින බවයි.එය සුවිශේෂ වේ.මන්ද සන්නිවේදනය මෙන්ම සමාජය ද වැදගත් වන නිසාවෙනි.